Summary of the PGL Copenhagen 2024 Elimination Stage image 1

02.04.20243 мин уншсан

PGL Copenhagen 2024 Elimination Stage-ийн товчхон

Эхний өдөр – 1 болон 2-р үе

Тэмцээний эхний өдөр The MongolZ багийнхан NaVi багтай учраа таарсан бөгөөд Mirage мап дээр тоглосон юм. Тоглолтын 19 дэх раунд хүртэл хоёр баг нэлээн тэнцүүхэн буюу 9-9 тооны харьцаатай болоод байсан ч NaVi -гийн eco rush дээр MongolZ баг хамгаалж чадалгүй раундаа алдсанаар тоглолт шийдэгдэж MongolZ баг 10-13 тооны харьцаатайгаар хожигдсон юм.

Нэгдүгээр үед Eternal Fire баг Vitality-г, Heroic баг FaZe, Imperial баг VirtusPro багийг тус тус хожиж upset гаргасан бөгөөд үүнээс болж 2-р үед манай MongolZ баг чангахан учраа болох Vitality-тай тоглохоор таарсан юм. Тэд Nuke мап дээр тоглосон бөгөөд эхний хагасаа 7-5-р манайд давуу сольсон ч байраа солиод гар бууны үеэ алдсанаар давуугаа алдаж улмаар хожигдсон юм.

Ингээд MongolZ баг эхний өдрөө хоёр тоглолтод хожигдож 0-2 статтай болсноор дараагийн өдөр нь хасагдах шатанд тоглох болсон юм.

2 дахь өдөр – Свисс 3-р үе

Хасагдах шатны тоглолтод MongolZ баг Бразил улсын paiN Gaming багийн эсрэг таарсан бөгөөд эхний мап Mirage дээр хожсон боловч хоёр дахь мап Nuke дээр хожигдож 3 дахь мап гарахаар болсон юм. Тэд Inferno дээр шийдвэрлэх тоглолтоо хийсэн бөгөөд нэлээн тэнцүүхэн ширүүн тоглолтуудыг үзүүлж 3 ч удаа overtime гаргасан боловч айлын баг чүд чүд илүү байж хожсон юм.

Ингээд MongolZ баг elimination stage-д 3 хожигдолтой болсноор тэмцээнийг өндөрлүүлсэн юм. Гэхдээ тэд топ 16 багт шалгарч Азийн бүсэд нэг слот нэмж чадсан нь хангалттай том амжилт юм. Харин MongolZ-той адилхан 0-3 болж хасагдсан өөр нэг баг нь Бразилын FURIA баг байлаа.

Харин 3-0 болж тэмцээний шигшээ шатруу шалгарсан хоёр багаар Spirit, MOUZ багууд тодорсон юм. 1-1 статтай багуудын тоглолтоос Eternal Fire vs. FaZe багуудын тоглолт хамгийн таамаглашгүй болсон бөгөөд Overpass мап дээр Eternal Fire баг 13-1 тооны харьцаатайгаар хожсон нь тэдний бэлтгэл хэчнээн сайн байгааг тодоор харуулсан юм.

Elimination шатны сүүлийн өдрүүд

Сүүлийн хоёр өдрийн тоглолтод чансаа өндөр багууд нь учраа олсоор шигшээ тоглолт руугаа шалгарч сүүлийн өдөр чансаа нэлээн ойролцоо хоёр баг хоорондоо тоглох болсон нь G2 vs. VirtusPro багууд байлаа. Эхний мап Overpass дээр overtime гаргаж Virtus Pro баг давууг аваад байсан ч хоёр дахь мап Inferno нэлээн ширүүхэн болж өрнөсөн юм.

Inferno дээр хоёр баг 11-11 тооны харьцаатай байхад нэгэн харамсалтай хэрэг болсон нь VirtusPro багийнхан бомбоо тавиад сайтаа хамгаалж байх явцад Jame-ийн компьютер дээр алдаа гарч тоглоомноос гарснаар тэд раундаа алдсан бөгөөд уг раундыг тэд авч чадсан бол бараг 2 дахь мапдаа хожоод шигшээ тоглолтдоо шалгарчих байлаа. Гэтэл тэд раундаа алдаж, үргэлжлүүлэн мапаа ч алдаж, бүр цаашлаад 3 дахь тоглолтод Anubis дээр хожигдож тэмцээнээ өндөрлүүлсэн явдал байлаа.

Ийнхүү Virtus Pro баг Elimination шатны шууд эрх авсан 8 багаас ганцаархнаа тэмцээнийг өндөрлүүлсэн бол бусад 7 баг нь амжилттай цааш шалгарч, нэмээд Opening stage-с өрсөлдсөн Eternal Fire баг шигшээ тоглолт руу гарлаа.

Энэ удаагийн мажорын бас нэгэн сонирхолтой зүйл нь шигшээ шатанд шалгарсан 8 багийн 7 баг нь HLTV чансаагаар топ10-т багтдаг багууд байгаа явдал юм. Тиймдээ ч шигшээ шатны тоглолтууд нэлээн сонирхолтой болох биз. Шигшээ шатны тоглолтууд 3/28наас үргэлжлэх болно.

ЗохиогчTemujin Batbayar

Улаанбаатар хотоос гаралтай CS2 төрөлжсөн шинжээч. MESA тэмцээнд оролцож, ESL Pro League-ийн үеэр Esports TV-д ажиллаж байсан. PGL Major Antwerp 2022 болон IEM Katowice 2024 тэмцээнүүдийг хянаж дүгнэсэн. Өөрийн тоглогчийн үнэлгээний системийг боловсруулсан ба таамаглал нь өндөр нарийвчлалтай. s1mple болон ZywOo нартай ярилцлага хийж байв. Киберспортод CS 1.3 үеэс эхлэн оролцож ирсэн.